വിലങ്ങന്നൂർ അപൂർവ്വ രോഗബാധിതയായ ആശാരിക്കാട് സ്വദേശിനിയും വിദ്യാർത്ഥിനിയുമായ 22 വയസ്സുള്ള പ്രവീണ മുരളീധരന്റെ തുടർ ചികിത്സക്കുള്ള പണം കണ്ടെത്താൻ വിലങ്ങന്നൂർ വാർഡ് മെമ്പർ ഷൈജു കുരിയന്റെ നേതൃത്വത്തിൽ നടത്തിയ
അൽഫാം ചലഞ്ചിലൂടെ സമാഹരിച്ച തുക പ്രവീണയുടെ പിതാവ് മുരളീധരന് കൈമാറി.
ഒരു ദിവസം കൊണ്ട് 300 എണ്ണം വിൽക്കുക എന്ന ലക്ഷ്യത്തോടെ ആരംഭിച്ച അൽഫാം ചലഞ്ച് 2 ദിവസം നീണ്ടു നിൽക്കുകയും 650 അൽഫാം വിറ്റഴിക്കുകയും ചെയ്തു.
ഇതിലൂടെ ഒരു ലക്ഷത്തി രണ്ടായിരം രൂപ സമാഹരിക്കാൻ കഴിഞ്ഞു. വിലങ്ങന്നൂരിൽ വച്ച് നടന്ന ചടങ്ങിൽ വാർഡ് മെമ്പർ ഷൈജു കുരിയൻ തുക കൈമാറി. മുടിക്കോടുള്ള മൊല്ലാക്കാന്റെ മക്കാനി എന്ന സ്ഥാപനത്തിന്റെ സഹകരണത്തോടു കൂടിയാണ് അൽഫാം ചലഞ്ച് നടത്തിയത്.ഈ ഉദ്യമത്തിൽ സുമനസുകളായ മുഴുവൻ നാട്ടുക്കാരും തങ്ങളാൽ ആകുന്ന വിധം സഹകരിച്ചുവെന്നും ഇതിൽ പങ്കാളികളായ മുഴുവൻ പേർക്കും നന്ദി അറിയിക്കുന്നുവെന്നും ഷൈജു കുരിയൻ പറഞ്ഞു. മുതിർന്ന മാധ്യമ പ്രവർത്തകൻ
ജോർജ്ജ് പൊടിപ്പാറ, ഷിബു പോൾ, കുരിയാക്കേസ് ഫിലിപ്പ്, ദീപക് വെള്ളക്കാരി, കെ. സി ,സജയകുമാർ, ബിനു കെ.വി , കുമാരൻ, സജി എം.എ,സനീഷ് പാറയിൽ, കൃപ കോട്ടുവാല , ജിനീഷ് മാത്യു ‘ ശരത് കുമാർ , സുഭി തോമസ്, സിജോ ജയിംസ്,അനസ് മക്കാനി തുടങ്ങിയവർ പങ്കെടുത്തു.