ചെസ്സ് ഗ്രാമം മരോട്ടിച്ചാൽ അഭ്രപാളിയിലേക്ക്; “PAWN OF MAROTTICHAL” പ്രദർശനോദ്ഘാടനവും, ആദരവും നാളെ
ചെസ് ഗ്രാമം എന്നറിയപ്പെടുന്ന തൃശൂരിലെ മരോട്ടിച്ചാലിനെ ആസ്പദമാക്കി നിർമിച്ച ഹിന്ദി ചിത്രം “പോൺ ഓഫ് മരോട്ടിച്ചാൽ പ്രദർശനത്തിന്. ഒരു മണിക്കൂർ ദൈർഘ്യമുള്ള ഫീച്ചർ സിനിമ ഹിന്ദി ഉൾപ്പെടെ 5 ഭാഷകളിലാണ് ഒരുക്കിയിരിക്കുന്നത്. കബീർ ഖുറാനയാണ് സംവിധായകൻ. മരോട്ടിച്ചാൽ ഗ്രാമത്തിലെ 6 പേർ ചിത്രത്തിൽ അതിഥിവേഷത്തിലെത്തും. ഗ്രാമത്തിലെ മദ്യത്തിന് അടിമയായ ഗൃഹനാഥന്റെ കഥയാണ് ചിത്രം പറയുന്നത്. ഗ്രാമത്തിൽ നടന്ന ചെസ് ടൂർണമെന്റിൽ മകൾ ഒന്നാം സ്ഥാനത്ത് എത്തുകയും കുടുംബം പ്രശസ്തിയിലേക്ക് ഉയരുകയും ചെയ്യുന്നതോടെ ഗൃഹനാഥൻ മദ്യപാനം ഉപേക്ഷിക്കുന്നതാണ് ഇതിവൃത്തം. നാളെ ഡിസംബർ 1 ഞായർ 4 PM ന്
സെൻ്റ്. ജോർജ്ജ് ഓർത്തഡോക്സ് സുറിയാനി പള്ളി ഹാളിൽ ചിത്രത്തിന്റെ ആദ്യ പ്രദർശനം മരോട്ടിച്ചാലിൽ നടക്കും. ചിത്രത്തിൽ അഭിനയിച്ച ഹിന്ദി താരങ്ങൾ അടക്കം 65 പേരെ ചടങ്ങിൽ അനുമോദിക്കും. ദേശീയ, രാജ്യാന്തര ചലച്ചി ത്രമേളകളിൽ പ്രദർശനം നടത്തിയശേഷമാകും ചിത്രം തിയറ്ററിൽ എത്തുക.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇https://chat.whatsapp.com/HFdloQreo2i8smkKV5TaWI
