മകരച്ചൊവ്വ മഹോത്സവം ജനുവരി 16 ന് നടക്കും
ശ്രീ ചെമ്പൂത്ര കൊടുങ്ങല്ലൂർക്കാവ് ഭഗവതി ക്ഷേത്രത്തിലെ മകരചൊവ്വ മഹോത്സവം 2024 ജനുവരി 16 (1193 മകരം 2) ചൊവ്വാഴ്ച ആഘോഷിക്കുകയാണ്. മകരചൊവ്വ മഹോത്സവത്തിന് തുടക്കം കുറിച്ചുകൊണ്ട് ചെമ്പൂത്ര ക്ഷേത്രത്തിൽ ജനുവരി 10 ബുധനാഴ്ച രാവിലെ ക്ഷേത്രം തന്ത്രി ഡോ.മുരളീകൃഷ്ണൻ നമ്പൂതിരിയുടെ കാർമ്മികത്വത്തിൽ ശുദ്ധിക്രിയകൾക്ക് ശേഷം 9 മണിക്ക് കൊടിയേറി.
അനുബന്ധമായി ദേശങ്ങളിൽ എല്ലാം തന്നെ കൊടിയേറി. അന്നേദിവസം വൈകുന്നേരം 6.30 ന് ക്ഷേത്രം തന്ത്രി ഭദ്രദീപം തെളിയിച്ച് മകരചൊവ്വ മഹോത്സവത്തിൻ്റെ ഔപചാരിക ഉദ്ഘാടനം കേരള റവന്യൂ, ഭവന നിർമ്മാണ വകുപ്പ് മന്ത്രി കെ. രാജൻ നിർവ്വഹിക്കുന്നു. മുഖ്യാതിഥിയായി തൃശ്ശൂർ എം.പി.ടി.എൻ. പ്രതാപൻ പങ്കെടുക്കുന്നു. തുടർന്ന് ഏഴ് ദിവസങ്ങളിലായി വൈവിധ്യമാർന്ന കലാവതരണങ്ങളോടെ മകരചൊവ്വ മഹോത്സവം അതിഗംഭീരമായി ആഘോഷിക്കുന്നു.
ഉത്സവത്തോടനുബന്ധിച്ച് നടത്തുന്ന പൊങ്കാല മഹോത്സവം 2024 ജനുവരി 14 (1199 ധനു 29) ഞായറാഴ്ച ക്ഷേത്രം തന്ത്രിയുടെ മുഖ്യ കാർമ്മികത്വത്തിൽ നടത്തുന്നു. 2024 ജനുവരി 17 ബുധനാഴ്ച രാവിലെ നടത്തുന്ന ആറാട്ടോടുകൂടി ഈ വർഷത്തെ മകരചൊവ്വ മഹോത്സവത്തിന് കൊടിയിറങ്ങുകയാണ്..
പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ Click ചെയ്യുക 👇
https://chat.whatsapp.com/HbNCtcJDuf01aiL5OCiV0R
