സ്ത്രീ സുരക്ഷക്കായി നിർഭയം മൊബൈൽ ആപ്പ് ഫോണിൽ ഉറപ്പായും കരുതണം
സ്ത്രീ സുരക്ഷക്കായി കേരള പോലീസ് തയാറാക്കിയതാണ് നിര്ഭയം മൊബൈല് ആപ്പ്. ഈ ആപ്പിലെ ഹെൽപ്പ് എന്ന ബട്ടൺ അമർത്തിപ്പിടിച്ചാൽ ഫോൺ ഉപയോഗിക്കുന്ന ആളിന്റെ ലൊക്കേഷൻ ഏറ്റവും അടുത്തുള്ള പോലീസ് കൺട്രോൾ റൂമിൽ ലഭിക്കും. ഇന്റെർനെറ്റ് കവറേജ് ഇല്ലാതെ തന്നെ ഈ ആപ്പ് മുഖേന സന്ദേശങ്ങളും ലൊക്കേഷനും പോലീസുമായി പങ്കു വയ്ക്കാം. ഫലത്തില് മിനിറ്റുകള്ക്കുള്ളില് പൊലീസ് സ്ഥലത്തെത്തും.
ഓരോ ജില്ലയ്ക്കും ഓരോ കണ്ട്രോള് റൂമുകളുണ്ട്. നിര്ഭയം ആപ്പ് ഇന്സ്റ്റാള് ചെയ്ത മൊബൈല് ഫോണ്വച്ച് ഒരാള്ക്ക് ഏതു ജില്ലയില്നിന്നും സഹായം അഭ്യര്ഥിക്കാം. അതാത് ജില്ലയുടെ കണ്ട്രോള് റൂമിലേക്ക് സന്ദേശം എത്തുംവിധമാണ് ആപ്പ് ക്രമീകരിച്ചിരിക്കുന്നത്.
ഫോട്ടോ, വീഡിയോ എന്നിവ ഒറ്റക്ലിക്കിലൂടെ എടുത്തയക്കാനുള്ള ക്രമീകരണവുമുണ്ട്. ശബ്ദ സന്ദേശം അയക്കാനുള്ള ശ്രമത്തിനിടെ അക്രമി ഫോണ് തട്ടിയെടുത്താലും സന്ദേശം ക്യാന്സല് ചെയ്യാനാകില്ല. തല്സമയം ലഭിക്കുന്ന ദൃശ്യങ്ങളുംമറ്റും പൊലീസിന് തെളിവാകുകയും ചെയ്യും.
നിർഭയം ആപ്പ് ആൻഡ്രോയിഡ്, ഐ. ഒ . എസ്. പ്ലാറ്റ്ഫോമുകളിൽ ലഭ്യമാണ്.
പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ click ചെയ്യുക 👇
https://chat.whatsapp.com/FNBkJiLWYaFLpkJe2nuCEp
