കൂത്താട്ടുകുളത്ത് വെച്ചുണ്ടായ വാഹനാപകടത്തിൽ ചുവന്നമണ്ണ് സ്വദേശിയായ യുവാവ് മരിച്ചു. വള്ളിക്കാട്ടിൽ ജോസ് മകൻ ബിജു (42) ആണ് മരിച്ചത്. സംസ്‌കാരം നാളെ (01.09.2024-ഞായറാഴ്ച) ഉച്ചയ്ക്ക് ഒരുമണിക്ക് സഹോദരൻ വർഗ്ഗീസിന്റെ വീട്ടിൽ ശുശ്രൂഷ ആരംഭിച്ച് കരിപ്പക്കുന്ന് ഐപിസി ചർച്ചിൽ നടക്കും. അമ്മ: അന്നക്കുട്ടി. ഭാര്യ: ബ്ലെസ്സി. മക്കൾ: ജെഫ്രിൻ, ജസ്റ്റീന, ജെസ്സിയ. ഇന്ന് പുലർച്ചെ ഒരുമണിയോടെയാണ് അപകടം ഉണ്ടായത്. കൂത്താട്ടുകുളത്ത് താമസിച്ച് മത്സ്യകച്ചവടം നടത്തിവരികയായിരുന്നു ബിജു. രാവിലെ മാർക്കറ്റിൽ പോകന്നതിനിടെ റോഡിൽ വീണ് കിടന്നിരുന്ന മരത്തിൽ ബിജുവിന്റെ ഓട്ടോറിക്ഷ ഇടിച്ചാണ് അപകടം ഉണ്ടായത്. അഗ്നിരക്ഷാസേന സ്ഥലത്തെത്തി ബിജുവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇 https://chat.whatsapp.com/ImsQ0CrUYLSG9a0fuuvrNr
