പുലക്കാട്ടുകര കർമ്മലനാഥ ദൈവാലയത്തിൽ തിരുനാളിനോടനുബന്ധിച്ചുള്ള കൂടുതുറക്കൽ ശുശ്രൂഷയും പ്രസുദേന്തി വാഴ്‌ചയും നടത്തി.

കർമ്മലനാഥ ദൈവാലയത്തിൽ വിശുദ്ധ സെബസ്‌ത്യാനോസിന്റെയും, പരിശുദ്ധ കന്യകാമറിയത്തിൻ്റെയും, വിശുദ്ധ യൗസേപിതാവിന്റെയും സംയുക്ത തിരുനാളിനോടനുബന്ധിച്ചുള്ള കൂടുതുറക്കൽ ശുശ്രൂഷയും, പ്രസുദേന്തി വാഴ്ച‌യും നടന്നു. ആഘോഷമായ വിശുദ്ധ കുർബാനക്ക് ഇൻ്റോർ ബിഷപ്പ് മാർ ചാക്കോ തോട്ടുമാരിക്കൽ SVD മുഖ്യകാർമ്മികനായി. ഫാ. ജിൻ്റോ ചിറമ്മൽ, ഫാ. തോമസ് ഞൊണ്ടിക്കൽ CMI എന്നിവരും സഹകാർമ്മികരായി. ഏപ്രിൽ 12 -ാം തിയതി വെള്ളിയാഴ്ച വൈകിട്ട് 6 മണിക്കുള്ള വിശുദ്ധ കുർബാനയ്ക്ക് രാജ്കോട്ട് രൂപത വികാരി ജനറൽ മോൺസന്നൂർ ജോയച്ചൻ പറഞ്ഞാട്ട് മുഖ്യകാർമ്മികത്വം വഹിച്ചു. തുടർന്ന് ദീപാലങ്കാരം സ്വിച്ച് ഓൺ കർമ്മവും നടന്നു. തിരുനാൾ ദിനമായ ഏപ്രിൽ 14 -ാം തിയതി ഞായറാഴ്‌ച രാവിലെ 9 മണിക്ക് നടത്തപ്പെടുന്ന ആഘോഷമായ തിരുനാൾ വിശുദ്ധ കുർബാനയ്ക്ക് ഇറ്റാനഗർ രൂപതാ ബിഷപ്പ് ബെന്നി വർഗ്ഗീസ് എടത്താട്ടൽ മുഖ്യ കാർമ്മികത്വം വയ്ക്കും. തുടർന്ന് വൈകിട്ട് 4 മണിക്ക് ഭക്തിനിർഭരമായ പ്രദക്ഷിണവും നടത്തപ്പെടും എന്ന് ഇടവക വികാരി ഫാ. സിജു പുളിക്കൻ, കൈക്കാരന്മാർ ജോബി പാലിയേക്കര, എഡിസൺ ഡേവീസ്, ജോർജ്ജ് മംഗലൻ, തിരുനാൾ കൺവീനർ ലിയോൺ താഴത്ത്, മറ്റ് കമ്മറ്റി അംഗങ്ങൾ എന്നിവർ അറിയിച്ചു.

പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇 https://chat.whatsapp.com/HbNCtcJDuf01aiL5OCiV0R