ഇരിങ്ങാലക്കുട നഗരസഭ പരിധിയിലെ വിവിധ വാർഡുകളിലെ ഹൈമാസ്റ്റ് ലൈറ്റുകൾ മന്ത്രി ഡോ. ആർ ബിന്ദു ഉദ്ഘാടനം ചെയ്തു
ഇരിങ്ങാലക്കുട നഗരസഭ പരിധിയിലെ
വിവിധ വാർഡുകളിൽ മിനി മാസ്റ്റ് ലൈറ്റുകളുടെയും , ഹൈമാസ്റ്റ് ലൈറ്റുകളുടെയും ഉദ്ഘാടനം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ ബിന്ദു നിർവഹിച്ചു.
എംഎൽഎ പ്രത്യേക വികസന ഫണ്ടിൽ നിന്നും രണ്ട് മിനി മാസ്റ്റ് ലൈറ്റുകൾക്ക് 5,40,000 രൂപയും ഹൈമാസ്റ്റ് ലൈറ്റിന് 5,60,000 രൂപയും ആണ് വിനിയോഗിച്ചത്.
ഇരിങ്ങാലക്കുട നഗരസഭയിലെ വാർഡിലെ കൊച്ചയപ്പൻ സ്മാരക ജംഗ്ഷൻ കൊരുമ്പശ്ശേരി, തള്ളിയക്കോണം എസ്എൻഡിപി പൊതുകിണറിന് സമീപം എന്നിവിടങ്ങളിൽ മിനി മാസ്റ്റ ലൈറ്റും മാപ്രണം നമ്പ്യാർ കാവിലേക്ക് തിരിയുന്ന ജംഗ്ഷനിൽ ഹൈ മാസ്റ് ലൈറ്റും ആണ് സ്ഥാപിച്ചിട്ടുള്ളത്. ഉദ്ഘാടന ചടങ്ങിൽ വാർഡ് കൗൺസിലർമാർ, പൊതുപ്രവർത്തകർ തുടങ്ങിയവർ പങ്കെടുത്തു.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇 https://chat.whatsapp.com/GuzTfMrXdFT0mWyinOhGva
